Meghdhanush

                                          માનવીની આગવી વિશેષતા : સર્જનાત્મકતા                                                                            - પ્રવીણ ક. લહેરી આ પૃથ્વી પર સજીવોની ઉત્પત્તિ થઈ અને ઉત્ક્રાંતિ દ્વારા કે અન્ય રીતે જીવસૃષ્ટિમાં જે વિવિધતા આવી, દરેક જાતિ-પ્રજાતિનો ચોક્કસ માત્રામાં વિકાસ થયો તે ઘટના આશ્ચર્ય પમાડે તેવી છે. જગત પર પોતાનું આધિપત્ય સ્થાપનાર માણસની પ્રગતિ માટે તેની બુદ્ધિમત્તાને યશ આપવામાં આવે છે. બુદ્ધિનું મહત્ત્વ અને તેની અગત્યની ભૂમિકા નકારી શકાય તેમ નથી. વિશ્વની ૮ અબજની વસ્તીમાં દરેક પાસે બુદ્ધિ-ચાતુર્ય હોય છે તો પણ મોટાભાગના લોકો તેના થકી પોતાની રોજિંદી જિંદગી જીવે છે. તેમના જીવનનો સાર જન્મ્યા, ઉછર્યા, ખાધું-પીધું, લગ્ન કર્યા, પરિવારનું પોષણ કર્યું, નોકરી-ધં...