Meghdhanush

                                         શહેરીકરણ : આકર્ષણ અને સમસ્યાઓ                                                                          - પ્રવીણ ક. લહેરી આઝાદી સમયે ભારતની ૮૦ ટકા જેટલી પ્રજા ગામડાંઓમાં વસતી હતી. મહાત્મા ગાંધીએ સાચું ભારત ગામડાંઓમાં વસે છે તેમ કહ્યું હતું. તેમના અભિપ્રાય મુજબ ભારત કૃષિ પ્રધાન દેશ છે. ૭૫ વર્ષ અગાઉ ભારતીય અર્થતંત્રમાં કૃષિનું પ્રદાન ૭૦ ટકા હતું તે આજે સમગ્ર અર્થતંત્રના સંદર્ભમાં માત્ર ૨૦ ટકા રહ્યું છે. તેના પર ગુજરાન કરતી વસ્તીની ટકાવારી ૫૫ ટકા છે. આજે આપણે જે રીતે વિકાસની વ્યાખ્યા કરી છે તેમાં પાકા અને વિવિધ સગવડો ધરાવતાં મકાનો, વિશાળ રસ્તાઓ, ઝડપી વાહન વ્યવહારની સવલત, નળ દ્વારા જળ, ફલશ પદ્ધતિના જાજરૂઓ, ઉચ્ચ શિક્ષણની વ્યવસ્થા, અદ્યતન તબીબી સારવાર, સારા પગારની રો...